Estayes de trabayu
Los seres humanos somos como los árboles. Cuanto más fuerte ye’l nuestru raigón más alto podemos espoxigar. Pro n’ALADANZA consideramos bien importante conocer los nuesos raigaños, d’ónde venimos. Y que la conocencia de la tradición sía unu de los elementos que trabaye l’enraigono, qu’utilizamos como sustentu del desenvolvimientu integral de la persona emplegando los recursos y conocencies que nos brinden les pedagoxíes actuales. Dende la diversidá, la integración y la convivencia.
Para consiguilo, llevamos a cabu múltiples actividaes que s’arrexunten en trés árees principales de trabayu:
❖ Desarrollu de programes educativos pa la reciella
Impartimos actividaes nos ámbitos cultural, de promoción de la igualdá y de vezos saludables diseñaos especialmente para’l públicu infantil. Xeneramos esperiencies interactivas, creatives y risonderes coles qu’esquizar y aprender.
Equí tienes dellos exemplos de los servicios que llevamos a cabu nesta área:
- Actividaes d’espardimientu de la cultura, la hestoria, la educación n’igualdá y los vezos saludables para’l Muséu de la Ciudadela, para la Oficina de la Igualdá y para el Patronatu Deportivu Municipal del Conceyu de Xixón. Tamién para Llaboral Ciudá de la Cultura, el Parque de la Prehistoria y el Centru Asesor de la Muyer de Mieres.
- Programes de promoción de la llingua asturiana para la Oficina de Normalización Llingüística de Xixón, la Estaya de la Llingua d’Avilés y el Serviciu de Normalización Llingüística de la Mancomunidá Contorna de la Sidra.
- Diseñu, organización y impartición de campus multidisciplinares para la infancia en períodos non lectivos escolares nel Colexu Andolina y para la Fundación Municipal de Cultura y Educación del Conceyu de Xixón.
❖ Divulgación de la cultura tradicional asturiana
Realizamos actividaes para toles edaes que promueven la conocencia de los elementos más relevantes del folclore asturianu enfatizando el so calter singular y al empar universal.
Danza, música, vestimienta, mitoloxía, arquitectura, gastronomía, fiestes, ritos, costumes, lliteratura… son dalgunes de les temátiques qu’encetamos nos nuesos talleres destinaos a tou tipu de persones y entidaes:
- Centros educativos, conceyalíes de cultura, asociaciones culturales, educatives, de folclore y de vecinos, centros asturianos y para la Sociedá Pública de Xestión y Promoción Cultural del Principáu d’Asturies dientro del programa “Asturies Cultura en Rede”.
- Programes escolares, actividaes de conciliación familiar y talleres para tolos públicos nel Muséu del Pueblu d’Asturies.
- Actividaes d’inmersión cultural para axencies de viaxe, festivales, turismu rural y empreses de producción artesanal.
❖ Actividaes de danza, música y bienestar pa persones adultes
El movimientu ye fundamental pa caltener la movilidá y la calidá de vida. Nes nuestres actividaes de danza y música combinen l’actividá física, la estimulación cognitiva, la espresión emocional y la relación social.
Tamién desenvolvemos cursos específicos sobro bienestar, especialmente femenín, que contribuyan a una vida saludable y pleno.
- Cursos de promoción del bienestar femenino al traviés de la danza y la música pal programa “Femenín y Plural” de la Oficina d’Igualdá del Conceyu de Xixón, para l’asociación “Muyeres con Tiempu Propiu” y pa la Fundación Secretariáu Xitanu de Xixón y Mieres.
- Talleres sobro bienestar, xestión emocional y corresponsabilidad pa la Fundación Muyeres, pa la Fundación Secretariáu Xitanu de Xixón y Mieres y pa la Oficina d’Igualdá del Conceyu de Xixón.
- Actividaes para avieyar de forma saludable y caltener mente y cuerpu activos en llares de xubilaos, centros de día y residencies de vieyos.
