Sobre mín

Dende bien pequeña prestábame’l baille asturianu, pero nun foi hasta 1990, yá no cabero de la mio adolescencia, cuando decidí practicalo y entusiasmóme. Mientres que profesionalmente me dedicaba a la xestión alministrativa y de recursos humanos, el restu del mio tiempu llibre emplegábalu en recoyer, deprender y esparder la cultura tradicional asturiana nes sos múltiples estayes, sobremanera les venceyaes al baille y la música.

Como miembru de delles asociaciones participé, y dirixí alcuando, abondos festivales nacionales ya internacionales, muestres, esposiciones, trabayos discográficos y audiovisuales, talleres ya intercambios con otros colectivos, lo que me traxo, amás d’una amplia esperiencia, una visión abierta ya integradora del folclore.

Naguando pola meyora continua, foi amestando a la mio esperiencia vital aspeutos del autoconocimientu y crecimientu personal col estudiu de ferramientes como la programación neurollingüística, la sicoloxía sistémica o la intelixencia emocional ente otres. Todo ello me llevó a titularme como Educadora Infantil y a descubrir otra de mis pasiones: la Educación, interesándome en diferentes metodologías educativas (Montessori, Pikler o Doman) y artísticas (Schinca expresión corporal, Danza Contemporánea, Entrenamiento Vocal Estill).

Con tou esti bagaxe personal, profesional y formativu aportó “el momentu d’abandonar les ropes usaes que yá tienen la forma del nuestru cuerpu y escaecer los caminos que nos lleven siempre a los mesmos llugares”, tal como escribió Fernando Pessoa. Asina que nel 2017 decidí axuntar el mio entusiasmu pola educación y el folclore y entamar el mio propiu camín profesional creando “ALADANZA educación y tradición”, col envís d’amestar al bienestar personal y social honrando los nuestros raigaños.

Nella pongo al to serviciu tola mio formación vital y académica como Técnica Superior n’Educación Infantil, Educadora de Masaxe Infantil, Máster en Programación Neurollingüística y Esperta Universitaria n’Espresión Corporal. Cuento amás col Certificáu de Profesionalidá de Docencia de la Formación Profesional pal Empléu, el certificáu B2 en Llingua Asturiana y más de 200 hores de formación en materia d’igualdá de xéneru y conciliación de la vida llaboral y familiar.

Si quies saber más de la mio formación y esperiencia visita’l mio perfil de LinkedIn.